राम बहादुर पहाडी

मनमा फुराउ भाका जुराउ, मेरो गजल यो गाऊ है प्रिय 

खै फेरी भेट होला नहोला, दिएर चिनो जाउ है प्रिय 

देख्छु म एक्लै सबलाई त्यहाँ, एक म आएँ एक्लै छु यहाँ 

न त रुख एउटा न छन् चरा नै, आँगन मेरो सजाउ है प्रिय 

भन्छन सबैले माथि छ स्वर्ग, आकाश मात्रै देख्छु म माथि 

जहाँ छ नेपाल स्वर्ग त्यहीं छ, देशको किरिया खाउ है प्रिय 

ढुंगाको इश्वर बोल्यो कहिले, मन्दिरको ढोका खोलो कहिले 

उपदेश दिने त पण्डित धेरै छन्, खुशी खबर सुनाउ है प्रिय 

आउँ कसोरि तिम्रो बिहामा, कसले पठायो निम्तो मलाई 

निम्तो त एकदिन आउँछ अबस्य, मेरो मलामी आउ है प्रिय 

~ राम बहादुर पहाडी ~

 Ram Bahadur Pahadi